هنفضل نحارب الإرهاب بالكفتة لحد إمتى؟

أنا بكتب البلوج ده ليه؟
كمحاولة يائسة لتوصيل صوتي لأي حد مهتم إنه يعرف أن هناك خطأ شنيع في أحد الطرق المتبعة حالياً لمكافحة الإرهاب في مصر. هحاول أعرض أمام القارئ الحقائق كلها مدعومة بالأدلة، و أمنيتي طبعاً إن ندائي ده يوصل لصانعي القرار إللي في 
.إيديهم تصويب الخطأ لو أرادوا

في إرهاب؟ .. آه في إرهاب .. طيب حجم الخسائر الناتج عنه قد إيه بالضبط؟
على حسب إحصائيات الحوادث الإرهابية التي حدثت في جميع أنحاء العالم، و المنشورة على ويكيبديا، كان نصيب مصر خلال عامي 2014 و 2015 فقط 17 حادث إرهابي ما بين مواجهات مسلحة مباشرة مع أفراد من الأمن و تفجيرات لقنابل في 
.الشوارع خلفت وراءها 56 قتيل و 235 جريح

:ممكن تطلع بنفسك على التفاصيل و الأرقام هنا

List of terrorist incidents, 2014

List of terrorist incidents, 2015

أسأل الله أن يكون في عون كل من يقف على خط المواجهات المباشرة مع هذه الحوادث الإجرامية، و أن يتقبل شهداءنا من 
.الجيش و الشرطة و المدنيين، و أن يرزق ذويهم الصبر على ما أصابهم

طيب إحنا بنواجه الأرهاب ده إزاي؟
هناك طرق و أساليب كثيرة لا علم لي بها بتتبعها الأجهزة الأمنية، مرة أخرى كان الله في عونهم، أنا بكتب البلوج ده علشان 
:عندي كلام أقوله عن الجهاز ده

الجهاز ده خرجت علينا بيه الهيئة الهندسية في شهر فبراير 2014 و إدعت إنه قادر على تشخيص بعض الأمراض الفيروسية مثل الإلتهاب الكبدي الوبائي و الإيدز، و أطلقت عليه بعض الأسماء مثل سي-فاست و لكنه إشتهر في الشارع بجهاز الكفتة لإن الإعلان عنه تزامن مع ظهور إختراع اللواء إبراهيم عبد العاطي سي سي دي، و الذي يستطيع تحويل الفيروسات لكفتة 
!على حد تعبيره

:مخترع هذا الجهاز هو العميد أحمد أمين، الذي يظهر هنا

و يزين إسمه طلب براءة الإختراع، و الذي تناولته بالنقد العلمي التفصيلي في فيديو مدته 80 دقيقة نشرته يوم 28 فبراير من 
.العام الماضي

الخلاصة لمن لا يسمح له الوقت أن يشاهد هذا الفيديو الطويل أنه لا يتوافر لدينا أي أدلة علمية أن هذا الجهاز بمقدوره التعرف على الفيروسات. و لكن لا تقف إدعاءات براءة الإختراع عند تشخيص الفيروسات فقط، فبحسب الوصف التفصيلي المذكور في 
.هذه الوثيقة، هذا الجهاز قادر أيضاً على التعرف على المفرقعات و المعادن

تبنى التجارب الإكلينيكية لهذا الجهاز، الدكتور جمال شيحة و قام بنشر نتائجه في مجلة إنتهازية تنشر أبحاث في مقابل المال 
.و بدون مراجعة علمية دقيقة، تناولتها أيضاً بالنقد العلمي التفصيلي في الفيديو

هل يستخدم هذا الجهاز كأداة لمكافحة الإرهاب في مصر؟
:للأسف نعم، يستخدم على نطاق واسع للكشف عن المفرقعات و الأسلحة، و تم رصده في الأماكن التالية


المنطقة المحيطة بجامعة القاهرة

لجان الإنتخابات

على بوابات جامعة القاهرة مع بداية العام الدراسي الماضي

مطار القاهرة

المؤتمر الإقتصادي بشرم الشيخ

القمة العربية بشرم الشيخ

مدينتي

طابا

الساحل الشمالي

منطقة سكنية تحوي إستراحة لوزير الدفاع

هل الجهاز المستخدم في الكشف عن المفرقعات هو نفسه الجهاز التي أعلنت عنه الهيئة الهندسية كأداة لتشخيص الفيروسات؟

نعم .. قارن بين شكل الجهاز الذي يمسكه العميد أحمد أمين و الدكتور جمال شيحة، و الأجهزة التي يمسكها أفراد الجيش و 
!الأمن .. هتلاقيهم نفس الجهاز

هذا بالإضافة إلى أن فكرة عمل الجهاز المعتمدة على البصمة الكهرومغناطيسية (الغير مثبتة علمياً) واحدة كما جاء على لسان 
.العميد أحمد أمين في طلب براءة الإختراع

إيه تاريخ الجهاز ده؟


البداية كانت في أواخر التسعينات في أمريكا مع جهاز زائف للكشف عن كرات الجولف، تقدر تشتريه دلوقتي بأقل من 20 
!دولار لو تحب

:الدكتور مصطفى حسين، طبيب مصري شاب، إشتراه بنفسه و حكى الحدوتة كلها هنا في البلوج ده

النصباية الأصلية: فتح علبة جهاز جوفر للبحث عن كرات الجولف

ثلاثة نصابين إنجليز أخدوا جهاز كرة الجولف ده و عدلوا فيه شوية و باعوا القطعة الواحدة منه بألاف الدولارات لدول كثيرة 
:تحت ثلاثة أسماء مختلفة

ADE 651

GT200

Alpha 6

:للأسف مصر كانت واحدة منهم كما ذكرت شبكة بي بي سي

:و ممكن تقرأ تقرير البي بي سي كاملاً هنا

The story of the fake bomb detectors

الثلاثة نصابين الإنجليز مسجونين في إنجلترا لحد النهارده، و إللي كشفت النصباية دي هي شبكة بي بي سي لما إخواننا في العراق إشتروا كميات كبيرة منه و إكتشفوا إنه عديم الفائدة و غير قادر على إكتشاف أي مفرقعات. ممكن تعرف معلومات أكثر 
:عن حدوتة العراق في التقرير ده

طيب أنا عايز إيه؟
أنا الصراحة تعبت، أنا و غيري صوتنا إتنبح علشان نوصل للناس إن البتاعة دي ما هي إلا لعبة أطفال و مفيش فايدة! إحنا بنعمل في نفسنا كده ليه! لو بنستخدم الجهاز ده علشان نخوف الإرهابيين، فأي واحد إرهابي مثقف بيعرف يبحث على جوجل عارف المعلومات دي. لو بنستخدمه علشان نكشف على مفرقعات بجد، فإحنا بنضر نفسنا علشان هييجي اليوم، لو مكانش جه بالفعل، إللي هيكون في قنبلة و البتاع أبو إيريال ده مش هيشوفها. أنا خلاص معادش بإيدي حاجة أعملها و هفضل أحدث 
!في البلوج ده لحد ما حد يسمع. اللهم قد بلغت اللهم فأشهد